Ամանորյա աղցան «2012»

Նոր տարի աղցան 2012 Նոր Տարին սարերի ետևում չէ ու կարելի է  հետաքրքիր բաղադրատոմսեր փորձել` ամանորյա  տոնական սեղանը համեղ ու գունագեղ դարձնելու համար: Բաղադրությունը

միջին չափսի 3-4 կարտոֆիլ

2 հատ գազար

թարմ վարունգ` 2 հատ

մարինացված վարունգ` 3 հատ

մարինացված սունկ` 150գ

կաղամբ բրոքքոլի

ձու` 3 հատ

50 գ կոշտ պանիր

կիտրոն

մայոնեզ` 150 գ:

Պատրաստման եղանակը

Կաղամբը մասնատել ցողուններով ու խաշել. սկզբում եռման աղաջրում եփել կոթունները: Խաշել 4 րոպե, ապա հանել ու նույն ջրի մեջ եփել մնացած կաղամբը:  Եռման պահից հաշված 2 րոպե հետո հանել, ապա ափսեի մեջ շարել: Կես կիտրոնի հյութով առատորեն ցողել կաղամբը: Կարտոֆիլը, ձուն ու գազարը խաշել, ապա կտրատել: Կարտոֆիլը` մեծ կտորներով, իսկ գազարը` անհամեմատ փոքր: Կտրատած բանջարեղենը լցնել թասի մեջ, ապա ավելացնել կտրատած  թթու վարունգը, խորանարդներով կտրատած մաքրած թարմ վարունգը: Խաշած ձվի սպիտակուցները մի կողմ դնել (դրանք հարկավոր են աղցանը զարդարելու համար), մնացածը կտրատել խորանարդներով: Ամբողջը լցնել թասի մեջ: Խորանարդներով կտրատել սունկը, նույն կերպ` պանիրը: Կաղամբի ավելի խոշոր ցողունները պահել աղցանը զարդարելու համար: Կտրատած բաղադրիչների վրա մայոնեզ ավելացնել ու ամբողջը լավ խառնել: Աղցանը պետք է լցնել ոչ խորը ամանի մեջ ու մակերեսը հարթեցնել: Մանր քերիչով սպիտակուցն անցկացնել ու քերուկը տարածել աղցանի վրա: Կարելի է զարդարել ըստ ցանկության, սակայն շատ գեղեցիկ է նկարում պատկերված տարբերակը. բրոքքոլիի ցողուններով եզրագծել, իսկ կենտրոնում տոնածառ ու տարեթիվ պատկերել: ankakh.com


Կարդացեք նաև